Бред Пит и неговата девојка Инес де Рамон синоќа се појавиле на црвениот килим на 74. Филмски фестивал во Сан Себастијан, по повод премиерата на филмот „Heart of the Beast“ (Срцето на ѕверот), во кој тој ја толкува главната улога. Владеела вистинска еуфорија меѓу публиката кога се појавил познатиот пар.
Бред Пит (62) за оваа голема филмска вечер се решил за елегантен триделен костум во целосно ретро стил, а во истиот стил биле и фризурата и очилата што ги носел. Инес де Рамон (33) се појавила во елегантен зелен фустан со тантела, со гол грб и без градник, како што налага самиот крој на креацијата.
Инес повторно се решила за модел од модниот бренд „Chloé“, чии креации често ги носи, а овојпат била модно усогласена со познатиот актер, за разлика од нивното претходно појавување во јавноста, кога покажале целосна неусогласеност во облекувањето, но со јасна намера.
Пит и неговата партнерка неколкупати се појавија во јавноста за краток временски период, најпрво на Ју-Ес Опен во Њујорк, потоа на премиерите на филмот „Heart of the Beast“ (Срцето на ѕверот), а потоа и на автомобилските трки „NASCAR Cup Series“ во Тенеси.
Секојпат делувале како многу вљубен и среќен пар, а нивните појавувања, покрај коментарите со поддршка, се проследени и со забелешки на сметка на неговиот наводно лош однос со децата што ги има со поранешната сопруга, актерката Анџелина Џоли.
Судејќи според нивните заеднички појавувања, врската на Пит и Де Рамон се одвива сосема добро, а трае од крајот на 2022 година. Им предвидуваат и брак, а се шпекулира дека планираат својата врска да ја крунисаат со раѓање дете. Доколку дојде до венчавка, за актерот тоа би бил трет брак, бидејќи бил во брак и со актерката Џенифер Анистон. Дизајнерката на накит зад себе има брак со актерот Пол Весли, кој неодамна се појавил на Ју-Ес Опен, во исто време кога неговата поранешна сопруга и нејзиниот нов партнер биле на трибините. Меѓутоа Весли повеќе не е сингл, па тенискиот меч го следел во друштво на својата девојка.
Потсетуваме, Пит во филмот „Heart of the Beast“ (Срцето на ѕверот), кој го режирал Дејвид Ајер, го толкува ликот на поранешен припадник на специјалните единици кој, заедно со своето борбено куче, се обидува да ги преживее суровите услови по авионската несреќа на Алјаска. Филмот на фестивалот во Сан Себастијан се прикажува во официјалната селекција, но надвор од конкуренцијата за наградата.
