Поранешниот напаѓач на англиската репрезентација и на некои од најголемите клубови во Премиер лигата, Питер Крауч, веќе со години е во среќен брак со Еби Кленси, позната телевизиска водителка, подкастерка и манекенка. Заедно се од 2006 година, се свршија во 2009, а се венчаа во 2011 година, додека сега таа јавно изјави дека сака уште едно дете – петто.

Првата ќерка Софија Руби ја добија во 2011 година, потоа во 2015 година ја добија Либерти Роуз, а три години подоцна и првиот син Џони. Најмладиот член на семејството Крауч е Џек, кој е роден во 2019 година, но сега Еби Кленси изјави дека е подготвена за уште едно дете. Сето тоа се случи во нивната заедничка емисија „Crouch Therapy“.

На жените им е потешко

Еби неодамна зборуваше и за тоа дека жените се чувствуваат невидливо по 40-тата година, токму во емисијата што ја води со својот сопруг. Иако имаат кариери, деца и семејства, по 40-тата година чувствуваат голема празнина.

„Мојата пријателка Либерти има 54 години, јас имам 40 и разговараме за тоа како жените стануваат невидливи на 40 години. Знаете, многу луѓе тогаш се чувствуваат како никој да не ги забележува и ја губат самодовербата. Сè уште сме живи и го живееме животот максимално. Мора да ѝ помогнеме на постарата генерација да пронајде љубов. Мажите на тие години поминуваат многу подобро, никој не им вели: ’Леле, целиот си се збрчкал‘. Знаете што зборува општеството за жените. Зошто нам не ни е дозволено да имаме брчки?“, праша таа.

Кој е Питер Крауч?

Сега 45-годишниот Крауч е висок 201 сантиметар и беше вистински хит во Премиер лигата. Во својот Тотенхем првично не доби шанса, а потоа се проби преку Квинс Парк Ренџерс и Портсмут. По Астон Вила и Норич заигра за Саутемптон, потоа за Ливерпул и конечно за Тотенхем. Најголема трага остави во Стоук, а кариерата ја заврши во Барнли. За Англија на 42 натпревари постигна 22 гола.