Украинскиот претседател Володимир Зеленски соопшти дека Украина ја тестира новата технологија за пресретнување беспилотни летала, нагласувајќи дека првите тестови биле успешни. Во исто време, украинската армија информира за бројот на беспилотни летала лансирани од Русија и бројот на пресретнати.
Украина во моментов тестира ново оружје развиено за пресретнување беспилотни летала, изјави украинскиот претседател Володимир Зеленски, додавајќи дека тестовите досега се успешно спроведени, објави британската агенција.
„Ново оружје во моментов се тестира. Развиено е од Украина и беше успешно: Шахед (дронот) беше уништен“, им рече Зеленски на новинарите.
Тој додаде дека некои работи сè уште треба технички да се разработат и дека е потребно уште малку време.
Украинската армија објави дека Русија лансирала 80 беспилотни летала во текот на претходната ноќ и успеала да пресретне 63.
