Уште една вечер од Филмскиот фестивал во Венеција поминува под знакот на гламурозни креации, но и атрактивни модни изданија. Мадалина Генеа исто така ја искористи можноста да блесне.
Позната по своите луксузни атрибути, но и по своите голи модни изданија, актерката и модел Мадалина Генеа ги собра сите симпатии на црвениот тепих на Венецискиот филмски фестивал.
За премиерата на филмот „Oasis: Don't Look Back in Anger“, таа одлучи да облече, па, слободно можеме да кажеме, креација која беше вистинско изненадување за сите оние кои ги следат нејзините претходни модни избори.
Како што рековме на почетокот, таа често избира голи фустани за големи настани, но овојпат решила да го промени тој моден наратив. Носеше смел комбинезон направен од црна кожа од италијанскиот бренд „Trussardi“.
Станува збор за креација која ја следи линијата на телото и ја нагласува нејзината витка фигура - но не на вулгарен начин. Со ова, таа покажа дека дури и најскромната комбинација може да изгледа привлечно и шик.
Што се однесува до остатокот од стајлингот, таа се одлучи за впечатлива шминка која ја нагласуваше нејзината убавина, фризура која лежерно се спушта надолу и високи потпетици.
Таа ги поздрави собраните фотографи од странските медиуми со нежна насмевка, а потоа ги почасти со пози на вистинска заводничка.
