Необичен инцидент се случил во продажен објект во рускиот град Саратов, каде робот-советник по име Сјома се обидел физички да нападне еден од купувачите.
Инцидентот започнал кога купувачот се обидел да воспостави контакт со роботот и му подал рака.
Роботот не возвратил на ракувањето, по што мажот го турнал.
Тогаш ситуацијата добила неочекуван пресврт. Како што може да се забележи на снимката од инцидентот, Сјома тргнал кон мажот и се обидел да го дофати, а неговите движења на социјалните мрежи биле споредени со кунг-фу потези.
Мажот успеал да се оддалечи од роботот, додека необичната сцена веднаш го привлекла вниманието на останатите присутни во објектот.
Robot consultant glitches and ATTACKS customer in Russia's Saratov
— RT (@RT_com) September 2, 2026
The customer escaped with a fright, while robot Syoma was sent for a reboot pic.twitter.com/tGYUhj4KPV
Луѓето кои биле во близина се вклучиле во ситуацијата и се обиделе да спречат понатамошна ескалација.
Според информациите објавени за инцидентот, купувачот поминал само со страв, додека роботот Сјома по случувањето бил испратен на рестартирање.
Сјома е робот наменет за комуникација со луѓето и за помош на купувачите во продажните објекти.
Неговата употреба е дел од сè почестото воведување роботска технологија во секојдневниот живот и во услужните дејности, но необичниот инцидент во Саратов привлече внимание токму поради неговата неочекувана реакција кон купувачот.
