По повод 10-годишниот јубилеј на „Светот на Колорес“, разговараме со директорката Билјана Караманолевска за почетоците, визијата, пристапот кон децата и за тоа што ја прави оваа предучилишна установа поинаква.

Кога започна приказната на „Светот на Колорес“, која беше основната визија од која тргнавте?

Она што започна како визија за создавање поинаков свет за најмалите, денес е препознатлива приказна изградена врз доверба, квалитет и искрена љубов кон детството. „Светот на Колорес“ не е само градинка, тоа е средина каде секое дете е препознаено како уникатна личност, каде неговите способности се развиваат, неговите интереси се поддржуваат, а секој ден е нова можност за учење и откривање.

Во текот на една деценија сигурно сте имале многу предизвици, но и успеси. Што го сметате за најголем успех на „Светот на Колорес“?

Во изминатите 10 години, најголемиот успех не се само годините зад нас, туку илјадниците семејства кои ни ја дадоа најголемата доверба, грижата за нивните деца. Токму таа доверба е најголемата потврда дека работиме во вистинската насока.

Што е она што, според вас, ја издвојува „Светот на Колорес“ од другите предучилишни установи?

„Светот на Колорес“ се издвојува по својот индивидуален пристап, високите стандарди и целосната посветеност кон развојот на секое дете. Нашата цел никогаш не била само да обезбедиме безбедно место за престој, туку да создадеме вистински детски свет во кој децата растат самоуверени, креативни, љубопитни и исполнети со вредности.

Како изгледа еден типичен ден во „Светот на Колорес“ и како ги организирате активностите за децата?

Секој ден во „Светот на Колорес“ е внимателно осмислен. По здравиот појадок следуваат утринска гимнастика и „Circle time“, момент кога децата комуницираат, споделуваат искуства и ги развиваат своите социјални и комуникациски вештини. Потоа следуваат активности прилагодени според возраста и развојните потреби на децата, преку кои учат низ игра, истражување и креативност.

Исхраната и здравите навики се важен дел од детскиот развој. Како е организирана исхраната во градинката?

Посебно внимание се посветува на здравите навики и исхраната. Децата имаат балансирани оброци во текот на денот, подготвени со внимание и во соработка со нутриционист, бидејќи правилната исхрана е важен дел од нивниот раст и развој.

Колку физичката активност е застапена во секојдневието на децата и дали тие имаат можност да се занимаваат со спорт?

Физичката активност е неизоставен дел од секојдневието. Без разлика дали станува збор за најмалите или за поголемите деца, престојот надвор и движењето се дел од секој ден. Дополнително, децата имаат можност да изберат спорт кој го тренираат во текот на годината со наставник по физичко образование, градејќи здрави навики, дисциплина и тимски дух.

Каков е вашиот пристап кон учењето и подготовката на децата за понатамошното образование?

Едукативниот пристап во „Светот на Колорес“ е креиран така што децата преку игра ги совладуваат првите знаења, букви, бројки, логика и основни вештини, со што се подготвуваат за следните чекори во образованието. Англискиот јазик е дел од програмата, со цел децата уште од најрана возраст да стекнуваат дополнителни јазични способности.

Што е она што ја прави „Светот на Колорес“ поинаква од другите предучилишни установи и по што се препознава вашиот пристап кон секое дете?

Она што навистина ја прави оваа градинка посебна е филозофијата дека секое дете заслужува внимание, љубов и пристап кој е креиран токму за него.

„Светот на Колорес“ не следи трендови, создава свои стандарди. И воедно го трасира патот за тоа како треба да изгледа една приватна предучилишна установа.

Современите родители имаат потреба од поголема флексибилност. Како „Светот на Колорес“ одговара на овие потреби?

Со работно време до 18:30 часот, можност за втора смена до 22:00 часот, организирани повеќедневни екскурзии, сопствена логистика со автобуси и комбиња и целосна грижа за секој аспект од детскиот ден, градинката создава услови кои одговараат на современите потреби на семејствата.

По една цела деценија, која е пораката што сакате да ја испратите до семејствата кои ви ја доверуваат грижата за своите деца?

Десетгодишнината на „Светот на Колорес“ е прослава на една голема приказна, приказна за доверба, квалитет и визија. Приказна која покажува дека кога детето е вистинскиот центар на вниманието, се создава нешто повеќе од градинка. Се создава свет. Свет исполнет со љубов, знаење и најубави детски спомени.