На снимката се гледа како Ибрахимовиќ, со помош на силни млазови вода, изведува различни акробации неколку метри над морската површина.

Во еден момент тој се спушта кон водата, а потоа повторно полетува и ги раширува рацете пред камерата.

Ибрахимовиќ под снимката напиша само еден збор – „Аквамен“, јасно шегувајќи се на сметка на познатиот суперхерој кој владее со подводниот свет, а судејќи според реакциите на неговите следбеници, споредбата особено им се допаднала.

„Аквамен ги доби моќите од Златан“

Снимката што ја објави Златан предизвика бројни коментари, а неговите следбеници продолжија со добро позната шега за самодовербата на Ибрахимовиќ и неговите „супермоќи“.

„Аквамен ги доби моќите од Златан“, напиша еден корисник. Друг, во сличен стил, порача: „Златан не нурна, водата се крена до Златан“.

Меѓу бројните реакции се најде и оваа: „Брановите не го удираат Златан. Златан ги удира брановите“.

Еден корисник, пак, го опиша како човек кој „освоил сè што имало да се освои на копно, па сега се преселил на море“.

Секако, не изостанаа ниту класичните шеги на сметка на неговата репутација.

„Кога Златан плива, ајкулите носат елеци за спасување“, гласи еден од коментарите што привлече внимание.

Снимката за кратко време собра голем број реакции, а судејќи според коментарите, идејата на Ибрахимовиќ да се спореди со Аквамен била полн погодок.