Во текстот се опишува критика од пратеникот Миле Лефков за раководењето на Венко Филипче и СДС при управувањето со модуларните болници, каде што несоодветната грижа довела до загинување на 14 пациенти, при што се истакнува непреземање на одговорност.
Венко Филипче како прв човек на СДС, а поставен на тоа место од неговиот другар Зоран Заев, кога станува збор посебно за здравството треба да молчи.
Неговите кажувања дека обвинителството не покренало обвинение против него, покажуваат само дека обвинителот Ислам Абази е слеп пред доказите, истакна на прес-конференција Миле Лефков, член на ИК и пратеник на ВМРО-ДПМНЕ.
Според него, непокренувањето на обвинение е се, само не е доказ дека Филипче е невин.
Зошто?
Бидејќи од предметот за модуларната во Тетово, се гледа дека Филипче воопшто не го интересирало мислењето на вработените во Министерството за здравство и стручните лица. На вработените им било јасно дека Филипче сторил криминал во случајот со 19 модуларни болници.
Поточно, ова било видливо од фактот што ниту едно стручнo лице не сакало да се потпише на анексот на Филипче, изготвен по пожарот во модуларната болница во Тетово, а со цел тој да се спаси од одговорност“.
Сведочиме, додаде тој, на низа на пропусти при процедурата и самото поставување на модуларните болници.
Факт е само тоа што Филипче не отстапувал од своја идеја. А сите знаеме дека резултат од тоа се изгорени 14 пациенти во модуларната во Тетово.
Затоа талогот од СДС, заедно со првиот човек Филипче можеби е најдобро да не кажуваат дека се грижат за здравјето на граѓаните, бидејќи сите сведочиме како завршува нивната грижа, со мртви пациенти“.
