Украина изврши масовен напад со повеќе од 600 дронови врз Москва, при што руската противвоздушна одбрана успеа да уништи голем дел од нив. Во нападите беа погодени и магацини и индустриски објекти, а повредени се и тројца луѓе.
Украина во текот на ноќта изврши масовен напад со повеќе од 600 беспилотни летала насочени кон Москва, соопшти денеска градоначалникот на руската престолнина Сергеј Собјанин преку Телеграм, а пренесе ДПА.
Собјанин наведе дека руската противвоздушна одбрана уништила 201 украински дрон во Московската област, додека поголемиот дел од беспилотните летала биле пресретнати пред да стигнат до регионот.
Градоначалникот на Москва соопшти дека тројца луѓе биле ранети во текот на ноќните украински напади, но не даде дополнителни информации за евентуалната материјална штета.
Украинскиот весник на англиски јазик „Киев Индипендент“ објави дека украинските вооружени сили извршиле напади врз магацин во сопственост на рускиот гигант за онлајн трговија „Вајлдберис“, како и врз индустриски објекти во руски градови во поширокиот регион.
Денес
