Капачите на плажата Ел Анкон во шпанска Марбеља во саботата, 8 август, останале запрепастени кога во близина на брегот се појавила голема туна тешка повеќе од 200 килограми и долга повеќе од два метра, за која првичните проценки и реакциите на капачите сугерирале дека станува збор за ајкула.
Рибата, чија тежина според проценките на сведоците се движела меѓу 290 и 300 килограми, пливала непосредно зад еден капач кој во паника се обидувал што побрзо да стигне до плиткото. Откако мажот успеал да стигне до брегот, туната се насукала во плиткото, недалеку од објектот „Victors Beach“, на таканаречената Златна милја.
😱🐟 Susto en una playa de Marbella: un enorme pez desorientado persigue a un bañista hasta la orilla y provoca el pánico https://t.co/bAh6hUY8yo pic.twitter.com/1gYWqW8Aag
— 20minutos.es (@20m) August 9, 2026
Набљудувачите набрзо утврдиле дека не станува збор за напад од ајкула, туку за дезориентирана и повредена туна која крвавела од жабрите. Сведоците наведуваат дека повредата најверојатно настанала при контакт со риболовна опрема или при судир со воден скутер.
„Да бев јас на негово место, веќе ќе се пос*рев во гаќи, односно во костимот за капење“, коментирал локалниот жител Камило Ороса за драматичната сцена од морето, додека други минувачи на социјалните мрежи додале дека глетката навистина изгледала како ајкула и дека во позадина недостасувала само познатата музичка тема од филмот „Jaws“.
🌊 Algunos testigos aseguran que el animal podría estar herido y que varios bañistas ayudaron a devolverlo al mar utilizando sillas y tumbonas. El ejemplar, que según algunas personas podría rondar los 300 kilos, generó un gran revuelo y fue grabado por numerosos presentes. Por… pic.twitter.com/PIIWXRGQjd
— 101tv.es Málaga (@101tvMalaga) August 9, 2026
Од друга страна, локалната претприемачка Џејд Блумберг, која влегла во водата за да му помогне на живото животно, истакнала дека туната била во голем стрес, но истовремено била огромна и прекрасна.
Собраните капачи организирале акција за спасување и со помош на лежалки и столови ја вратиле крупната риба назад кон подлабокото море. Во настанот никој од капачите не бил повреден, а снимките од несекојдневната глетка во Марбеља набрзо се прошириле на социјалните мрежи.
