Во Тетово беше пријавен инцидент каде што неидентификуван сторител испукал куршуми од автоматска пушка кон семејна куќа, при што биле оштетени фасадата, автомобил и врата. Полицијата работи на обезбедување докази и пронаоѓање на виновникот.
Вчера во Тетово било пријавено дека околу 04:20 часот, машко лице од мопед во движење испукало повеќе куршуми од автоматска пушка кон семејната куќа на Ш.Б.(48), по што се оддалечило од местото.
При увидот биле констатирани оштетувања на металната дворна врата, фасадата на куќата, летниковецот во дворот, како и на паркирано патничко возило „бмв“.
Од местото биле подигнати шест проектили за вештачење.
Полицијата презема мерки за расчистување на случајот и пронаоѓање на сторителот.
