Неверојатен природен феномен се случи на истокот од Гренланд, кога огромен глечер се урна во океанот, предизвикувајќи колосални бранови што со огромна сила се проширија низ оддалечен фјорд.
Истражувачите и екипажот на водечкиот брод на Британската антарктичка служба, „RRS Sir David Attenborough“, беа сведоци на ова спектакуларно одронување во близина на глечерот Соргенфри и успеаја да го снимат целиот настан.
Сцените што следуваа потсетуваа на кадри од филмови за апокалипса, пренесува „Surfer“.
Ледената маса што се одвои беше широка повеќе од еден километар, со просечна дебелина од околу 100 метри, а во морето за само неколку моменти се срушија неверојатни 18 милиони метрички тони мраз.
Додека ледените блокови, високи колку облакодери, паѓаа во студената вода, предизвикаа огромни бранови поради наглото поместување на огромна количина вода, кои молскавично се ширеа низ фјордот. Капетанот Мет Нил, командант на бродот „RRS Sir David Attenborough“, го опиша драматичниот момент:
„Во моментот кога започна одронувањето, нашиот брод се наоѓаше на повеќе од еден километар од челото на глечерот. И бродот и екипажот се целосно обучени да реагираат во вакви ситуации. Штом забележавме дека започнува одронувањето, веднаш го насочивме бродот во најбезбедната можна позиција. Беше неверојатно да се гледа како се придвижува толкава количина мраз, а тоа уште еднаш нè потсети колку е важна работата што ја извршуваме овде.“
На прв поглед, додека огромните бранови се ширеа низ фјордот, на некого без искуство можеби ќе му изгледаше дека се погодни за сурфање.
Сепак, иако познатите сурфери Бен Грејви и Блер Конклин претходно сурфале на помали бранови создадени од одронување на глечери на Алјаска и во Норвешка, овој настан беше далеку поопасен и целосно непредвидлив, па ниту еден човек не би можел безбедно да се обиде да го совлада.
A giant iceberg suddenly rolled over just off Ilulissat, Greenland, this morning.
— Science Joy (@InsideOurBodies) August 3, 2026
Thankfully, no one was injured. Just the Arctic reminding everyone who's really in charge.
pic.twitter.com/irdjgT2cjc
Ледените блокови, високи колку повеќекатници, непрекинато паѓаа во морето, создавајќи разорна сила што ниту еден сурфер не би можел да ја преживее во зоната на удар.
Свесен за огромната опасност, дури и искусниот поларен истражувачки тим одржуваше безбедно растојание, останувајќи на повеќе од еден километар од ледената карпа.
Иако низ годините се забележани бројни одронувања на глечери, овој настан, при кој се одвоија дури 18 милиони тони мраз, се вбројува меѓу најимпресивните снимени демонстрации на силата на природата.
