Жителите на Грција завчера имаа можност да уживаат во посебна глетка на небото. Полната Месечина, позната како Еленска Месечина, го осветли небото и создаде впечатливи сцени над грчките пејзажи и знаменитости.
Овој природен феномен го привлече вниманието на бројни набљудувачи и љубители на астрономијата, кои ја искористија можноста да го забележат моментот кога големата и сјајна Месечина се појави над хоризонтот. Особено импресивна глетка беше забележана во Атина, каде што изгревањето на Месечината беше еден од највпечатливите моменти на вечерта, а набљудувачите можеа да уживаат во нејзината златна и портокалова нијанса додека се појавуваше на хоризонтот.
Оваа полна Месечина го добила називот „Еленска Месечина“ според традицијата што ја поврзува со периодот кога на машките елени почнуваат да им растат нови рогови.
Иако Месечината за време на овој настан не беше поголема, на многумина им изгледаше поголема од вообичаено. Тој ефект настанува поради оптичката појава позната како „Месечева илузија“, кога Месечината во близина на хоризонтот на човечкото око му изгледа поголема поради споредбата со објекти како што се згради, планини или дрвја.
Експертите истакнуваат дека најдобриот момент за набљудување бил веднаш по зајдисонцето, кога Месечината изгревала на југоисточниот дел од небото и често добивала потопли, златни нијанси поради минувањето на нејзината светлина низ Земјината атмосфера.
Фотографиите од оваа небесна глетка брзо се проширија на социјалните мрежи, а многумина ја искористија можноста да го овековечат реткиот спој на природен феномен и познатите грчки пејзажи.
