Блондо, која светот ја запозна уште како девојче благодарение на титулата „најубавото девојче на светот“, приреди уште една свадбена прослава за паметење со францускиот актер и диџеј Бен Атал.

По интимната граѓанска церемонија одржана еден месец претходно во градското собрание, младенците го прославија бракот во спектакуларниот замок Шато Дитер – раскошен имот во тоскански стил, сместен меѓу ридовите на Грас, на југот од Франција. Ѕвезда на денот беше 25-годишната невеста, која за оваа посебна пригода избра венчаница изработена по мерка од модната куќа Миу Миу.

Венчаница од соништата

Романтичната креација со крој „сирена“ е изработена од нежна бела тантела, припиена за телото која драматично се шири под колената. Тилан ја надополнила со долг вел украсен со тантела, додека кафеавата коса ѝ била собрана во елегантна пунџа.

Фотографиите од свадбената прослава ги сподели на Инстаграм, откривајќи дека станува збор за „венчаницата од нејзините соништа“.

„Тука започнува засекогаш“, напиша манекенката покрај фотографиите.

Посебна благодарност ѝ упати на организаторката на свадбата, Евелин Лајани, истакнувајќи дека нивната замисла ја претворила во реалност подобро отколку што можеле да очекуваат.

„Го надмина сè што можевме да замислиме. Господин Прада и госпоѓа Миу Миу. Засекогаш“, порача манекенката.

Раскошниот имот, на кој младенците ги собраа семејството и пријателите, се простира на речиси седум хектари, а го красат уредени италијански градини, маслинови насади, базени и клоистер инспириран од средновековната архитектура.

Тилан и 29-годишниот Бен склучија граѓански брак кон крајот на јуни во 16-тиот арондисман во Париз, а свршувачката ја објавија во март, откако тој ја запроси за време на романтично патување во Грција.

Бен Атал потекнува од едно од најпознатите француски уметнички семејства. Тој е син на актерката и пејачка Шарлот Генсбур и актерот и режисер Иван Атал, а негови баба и дедо по мајчина линија беа британската актерка и модна икона Џејн Биркин и францускиот музичар Серж Генсбур.

Тилан се прослави на меѓународно ниво уште како девојче, кога списанието „Vogue Enfants“ во 2006 година ја прогласи за „најубавото девојче на светот“. Манекенската кариера ја започнала уште во раното детство, а подоцна соработувала со бројни познати модни куќи.