Состојки

За подлога:

20 пишкоти

околу 200 мл ладно млеко

За фил:

300 мл ладно млеко

150 мл слатка павлака

1 лажичка арома од ванила

1 пакување фил за торта со вкус на ванила

40 г шеќер во прав

150 г кокосово-бадемов намаз

20 г рендан кокос

За декорација:

100 мл ладно млеко

150 мл слатка павлака

шлаг пена

рендан кокос

Подготовка

Накратко потопете ги пишкотите во ладното млеко и наредете го првиот слој во сад.

За филот изматете ги млекото, слатката павлака, ванилата, филот за торта и шеќерот во прав додека смесата да стане густа и кремаста. Додадете го кокосово-бадемовиот намаз и ренданиот кокос, па кратко измешајте.

Врз пишкотите распоредете половина од филот, потоа наредете втор слој пишкоти потопени во млеко и премачкајте со преостанатиот фил.

На крај изматете ја шлаг-пената, украсете ја површината на тирамисуто и посипете со рендан кокос.

Оставете го десертот неколку часа во фрижидер за да се стегне, а потоа послужете го.

Резултатот е лесен, кремаст и освежителен десерт без печење, идеален за топлите денови но и посебните пригоди.