Дали е можно еден од најдобрите светски фудбалери, Винисиус Жуниор, да го напушти Реал? Тоа е прашањето што си го поставуваат во Англија, но и во Шпанија, откако протече информација дека Арсенал е сериозно заинтересиран за услугите на Бразилецот.
Имено, англискиот првак по секоја цена сака да доведе една од најголемите светски ѕвезди, која влезе во последната година од договорот со Реал.
Дека нешто се „готви“ најдобро покажува веста што вчера ја објави англискиот „Telegraph“, а се однесува на можната плата што Винисиус би ја имал во Арсенал доколку се одлучи за преселба во Лондон.
Според истиот извор, таа би изнесувала околу 470 илјади евра неделно, што би била највисоката плата во историјата на клубот.
🚨🚨| BREAKING: Arsenal are ready to offer Vinicius Junior over £𝟒𝟎𝟎,𝟎𝟎𝟎 per week — the 𝐁𝐈𝐆𝐆𝐄𝐒𝐓 salary in the club’s history. 🤯
— CentreGoals. (@centregoals) July 26, 2026
The Gunners have decided the financial aspect will 𝐍𝐎𝐓 be a problem in their pursuit of Vini Jr.
[@TeleFootball] pic.twitter.com/myf7vZ3Nkp
Охрабрувачки за „Топџиите“ е фактот што Винисиус веќе подолго време не успева да најде заеднички јазик со Реал околу продолжувањето на договорот.
Во досегашната кариера за Кралскиот клуб постигна вкупно 128 голови во сите официјални натпреварувања. Винисиус пристигна во Реал во 2018 година од бразилскиот клуб Фламенго, каде што уште како тинејџер важеше за еден од најголемите таленти во јужноамериканскиот фудбал.
Во дресот на мадридскиот гигант освои бројни трофеи, меѓу кои и две титули во Лигата на шампионите, а со своите настапи се етаблираше како еден од најопасните крилни напаѓачи во светот.
