[ВИДЕО] Ана Ивановиќ проговори по разводот од Швајнштајгер: „Среќна сум за одлуката која ја донесов“

Во интервју со новиот тренер на хрватската фудбалска репрезентација, Славен Билиќ, во емисијата („Неуспехот на шампионот“), Ивановиќ откри дека сега живее во Палма де Мајорка, каде што купила куќа во 2008 година.

„Да, децата одат на училиште, јас живеам тука. Купив куќа во 2008 година додека сè уште играв тенис, и ова стана мој дом“, изјавила Ивановиќ.

Поранешната победничка на Ролан Гарос истакна дека ужива во семејниот живот и воспитувањето на своите синови, кои ги има од бракот со Бастијан Швајнштајгер, со кого неодамна се раздели.

„Тука е многу помирно, поминуваме многу време надвор. Времето е убаво преку целата година, имам три сина, животот е активен и полесно е да се биде надвор и да се дружи со нив. Училиштата се одлични“, изјавила Ивановиќ.

Зборувајќи за својот секојдневен живот, таа признала дека нема многу слободно време.

„Немам толку многу слободно време. Понекогаш имам слободни викенди и го користам тоа време за себе и пријателите. Обожавам да патувам, иако целиот мој живот сум на пат. Уживам во мајчинството, тоа е она што го сакав и тоа ми е приоритет. Секако, тука е и работата. Цел живот сум навикната да структурирам и да работам и сакам нови предизвици“, изјавила таа.

Ивановиќ се осврна и на одлуката да ја заврши својата професионална кариера во 2016 година.

„Не беше лесен чекор, не беше лесно да се напушти тенисот. Тоа е мојот живот од моите пет години, мојата прва љубов и нешто во што бев многу добра. Сепак, имав чувство дека е вистинскиот момент за мене. Сакав да тргнам по друг пат. Не можам да кажам дека не ми недостига тенисот - ми недостигаат турнирите, натпреварувањето и тој адреналин, но не се каам за мојата одлука. Среќна сум што сум тука денес“, изјавила Ивановиќ.

Поранешната тенисерка број еден во светот го освои Ролан Гарос во 2008 година, а во истата сезона стигна и до врвот на ВТА листата. Таа ја заврши својата професионална кариера на крајот од 2016 година.