Кога ви се јаде нешто благо, а не сакате да поминувате многу време во кујната, овие вирални крофнички од три состојки се вистинскиот избор. Не се пржат во длабоко масло, туку се печат во рерна или во air fryer, па затоа се полесни од класичните крофни.
Тестото се подготвува за само неколку минути, а резултатот се меки залчиња што можете да ги наросите со шеќер во прав и цимет или да ги послужите со омилен чоколаден крем, мед или џем.
Потребни состојки:
За тестото:
- 1 шолја брашно
- 1/2 кесичка прашок за печиво
-1 шолја грчки јогурт
- по желба неколку капки арома од ванила
За завршниот слој:
- шеќер во прав
- цимет
За послужување (по желба):
- чоколаден крем
- мед
- џем
Подготовка:
Чекор 1: Замесете го тестото
Во поголем сад измешајте ги брашното и прашокот за печиво. Додајте го грчкиот јогурт и, по желба, аромата од ванила, па замесете мазно и меко тесто што не се лепи за рацете.
Чекор 2: Обликувајте ги крофничките
Од тестото направете подебел ролат, а потоа исечете го на помали парчиња со приближно еднаква големина. По желба, можете малку да ги заоблите со рацете.
Чекор 3: Испечете ги
Наредете ги крофничките во плех обложен со хартија за печење или во корпата на air fryer. Печете на 190 степени околу 15 до 20 минути, додека не поруменат и не станат лесно крцкави однадвор.
Чекор 4: Послужете
Додека сè уште се топли, извалкајте ги крофничките во мешавина од шеќер во прав и цимет или едноставно наросете ги одозгора. Послужете ги со чоколаден крем, мед или џем од кајсии.
