Полицијата во Куманово уапси возач поради користење на фалсификувана хрватска возачка дозвола, а сообраќајните контроли и натаму ќе продолжат со цел подобрување на безбедноста на патиштата во државата.
Полицијата денеска уапси возач од Куманово поради фалсификувана хрватска возачка дозвола.
Денеска во 11:45 часот на автопатот Куманово-Скопје поточно кај клучка Рафинерија од страна на полициски службеници уапсен е возач на патничко возило „опел“ со кумановски регистарски ознаки поради основано сомнение дека го управувал возилото со фалсификувана хрватска дозвола.
Против возачот К.А.(21) од Куманово се преземени соодветни мерки и ќе се соочи со законски предвидената санкција по член 378 од Кривичниот законик.
„Сообраќајните контроли ќе продолжат и во наредниот период на територијата на цела држава, со цел зголемување на безбедноста и заштита на учесниците во сообраќајот. Апелираме до сите учесници во сообраќајот да ги почитуваат сообраќајните правила и прописи, со што заеднички ќе придонесеме за побезбедни патишта“, велат од МВР.
