Токму тоа се случи во Париз, на Неделата на машката мода, каде славното семејство пристигна во полн состав за да го поддржи Џејден Смит и неговата нова модна приказна.

Вил Смит и Џејда Пинкет Смит во Париз повторно покажаа дека без оглед на сè што со години се пишувало за нивниот брак, семејството и понатаму им е на прво место. Познатиот актер и неговата сопруга заедно се појавиле на презентацијата на машката колекција на „Кристијан Лубутен“ за сезоната пролет/лето 2027, а причината за нивното доаѓање била посебна.

Во центарот на настанот бил нивниот син Џејден Смит, кој во познатата француска модна куќа ја има важната улога на прв машки креативен директор. Семејството се собрало за да му пружи поддршка, а пред фотографите, покрај Вил и Џејда, позирале и Вилоу Смит, Треј Смит и мајката на Џејда, Адриен Бенфилд-Норис.

Семејно појавување во Париз

Семејството Смит за појавувањето во Париз избра усогласени црно-златни комбинации. Вил Смит се појавил во опуштена варијанта на класичен црн костум со бела маица, а изгледот го надополнил со црвена марама и впечатлив брош. Слична модна линија следел и неговиот син Треј, кој носел црн костум со широк крој.

Од друга страна Џејда привлекувала погледи во драматична црна комбинација. Таа носела горен дел без прерамки, нагласен со златен детаљ околу вратот и волуменозно здолниште со висок шлиц. И Вилоу Смит се придржувала до црната палета, додека Адриен Бенфилд-Норис внела златен сјај во стајлингот.

Иако се во брак од 1997 година, Вил и Џејда во последните години често беа тема на шпекулации. Во октомври 2023 година, за време на промоцијата на мемоарите „Worthy“, Џејда откри дека таа и Вил живеат одделно од 2016 година. Тогаш изјавила дека сè уште се обидуваат да сфатат „како да бидат партнери“, но истакнала и дека не планираат развод.

Во еден подоцнежен разговор таа отишла и чекор понатаму, изјавувајќи дека таа и Вил ќе останат заедно „засекогаш“. Нивниот однос и понатаму е тешко да се смести во класични категории, но појавувањето во Париз јасно покажа дека барем кога станува збор за децата, сè уште ги поврзува силно чувство на заедништво.