Од Србија е екстрадиран 19-годишник од Скопје поради кривични дела поврзани со сообраќајна незгода, а му е определена мерка притвор и е предаден во затворот во Скопје.
Денеска (24.06.2026) од Република Србија во нашата земја екстрадиран е Саит Саитов (19) од Скопје, соопшти МВР.
Тој беше баран со меѓународна потерница поради основано сомнение за сторени кривични дела „против безбедноста на луѓето и имотот во сообраќајот“, како и „неукажување помош на лице повредено во сообраќајна незгода“ за кривично правен настан кој се случил во Скопје на 09.01.2026 година.
На лицето, информираат од полицијата, му е определена мерка притвор и истиот е предаден во Затвор Скопје за понатамошна постапка.
