[ФОТО/ВИДЕО] Мадона ги засенила сите на Париската модна недела: Запалила цигара во првиот ред
Париската модна недела посветена на машката мода веќе привлече бројни познати ѕвезди, но никој не можел да остане рамнодушен кога на една од ревиите пристигнала Мадона.
Поп-иконата (67) повторно го покажала својот младешки изглед додека од првиот ред ја следела модната ревија на „Ив Сен Лоран“. Вниманието го привлекла со смел црвен мини-фустан од тантела со долги ракави, кој го надополнила со розови чевли со високи потпетици.
Легендарната пејачка изгледала сензационално во фустанот што ги истакна нејзините витки нозе, а изгледот го надополнила со големи црни очила, кои ги носела и за време на ревијата.
Ѕвездата се прошетала низ ходниците на зградата „Бурс де Комерс“ за да пристигне на престижната ревија, каде што ѝ се придружиле и други познати личности, меѓу кои и музичарката Чарли Екс-Си-Екс, која исто така била облечена во впечатлива црвена модна комбинација.
Чарли Екс-Си-Екс, пак, се одлучила за тесен кожен фустан до колена со прерамки, додека деколтето било украсено со тантела. Го искомбинирала со кафеави чевли со високи потпетици.
Мадона топло ја прегрнала својата колешка, а потоа двете предизвикале вистинско воодушевување на социјалните мрежи, откако заедно запалиле цигара додека позирале пред папараците.
