Украинскиот претседател Володимир Зеленски го предупреди белорускиот лидер Александар Лукашенко да ја отстрани руската опрема од Белорусија што се користи за напади врз Украина и најави дека ако тоа не се случи, опремата ќе биде уништена од украинските сили.
Украинскиот претседател Володимир Зеленски ја повика Белорусија во рок од една недела да ја отстрани руската опрема за пренос на сигнали во регионите Гомељ и Брест, за која тврди дека се користи при напади со дронови врз украинска цивилна и енергетска инфраструктура.
Зеленски предупреди дека доколку Минск не го исполни барањето, украинските сили ќе ја уништат опремата.
„Ако не сака да учествува во оваа војна, нека ја отстрани таа опрема и нека ја исклучи“, порача Зеленски, директно обраќајќи му се на белорускиот лидер Александар Лукашенко.
Тој исто така ја обвини Белорусија дека обезбедува логистичка поддршка за руската војска, посочувајќи дека испораките на гориво од Белорусија во Русија значително се зголемиле во првите пет месеци од годинава.
Од друга страна, Лукашенко неодамна изјави дека вклучување на Белорусија во војната е „апсолутно неприфатливо“.
