Министерството за транспорт ги демантира тврдењата на СДСМ, истакнувајќи дека постапката за спортската инфраструктура во Аеродром се води согласно сите законски процедури и е целосно транспарентна.
„Денешната прес конференција на СДСМ е уште една лага и измислица. Сакаме да ја информираме јавноста дека постапката ја води општина Аеродром согласно сите законски процедури“, реагира Министерството за транспорт на прес-конференцијата на СДСМ.
Од Министерството за транспорт е побарано мислење и Министерството даде позитивно мислење затоа што сите законски процедури се испочитувани.
Со оглед на тоа дека намената е спорт Министерството за транспорт даде позитивно мислење. Развојот на спортската инфраструктура е приоритет и ние силно ја поддржуваме. Општина Аеродром ја има нашата цела поддршка.
Целата постапка од страна на општината е целосно транспарентна и согласно сите регулативи“, велат од Министерството за транспорт.
