Финскиот претседател Александар Стаб изрази визија за проширување на Европската Унија на 40 членки, вклучувајќи ја Канада, наведувајќи ја потребата за зголемување на геополитичката моќ на блокот.
Финскиот претседател Александар Стаб изложи визија за значително проширена Европска Унија, велејќи дека блокот од 27 членки мора да „размислува надвор од кутијата“ и да го искористи моментот за да ја зајакне својата моќ на светската сцена.
Неговите изјави доаѓаат во време кога потезите на администрацијата на Трамп, заедно со војната на Русија против Украина, ги поттикнуваат некои земји да ги преиспитаат придобивките од членството во Унијата, пишува CNBC.
Зборувајќи вчера на енергетската конференција во Хелсинки, Стаб рече дека ЕУ треба да се стреми да го зголеми бројот на членки на 40, а ги наведе и Обединетото Кралство, Канада, Турција, Норвешка и Исланд како потенцијални кандидати за приклучување.
Стаб изјави на Самитот за електрична енергија на Европа дека „прозорецот на можности“ за проширување на ЕУ е „прилично краток бидејќи кога ќе заврши војната во Украина и можеби кога ќе се промени американската администрација, не знам, тогаш луѓето ќе ја тргнат ногата од гаста и повторно ќе почнат да се жалат на неважни работи“.
Тој додаде дека „европската стратешка автономија или геополитичка моќ често се базира на големината и обемот, и мислам дека политиката на проширување е најдобрата европска политика во историјата“.
„Во овој момент мора да размислуваме на големо и географски, мора да се прошириме или барем да создадеме членства што се доволно флексибилни за да опфатат вкупно 40 европски земји – или дури и неевропски“, рече Стаб.
фото/Depositphotos
