Кувајт објави снимки кои ја прикажуваат големата штета на Меѓународниот аеродром во Кувајт по иранскиот ракетен и дронски напад. Загина еден индиски државјанин, а десетици се повредени. Иран ја потврди одговорноста за нападот како самоодбрана, додека ситуацијата во Заливот останува напната меѓу САД и Иран.
Кувајтското Министерство за внатрешни работи објави снимки кои покажуваат голема штета на Меѓународниот аеродром во Кувајт по ракетен и дронски напад извршен од Иран рано утрово.
Според официјалните информации, во нападот загинал еден индиски државјанин, а најмалку 63 лица се повредени. Дел од проектилите и дроновите биле пресретнати од противвоздушната одбрана, но некои сепак погодиле делови од аеродромската инфраструктура.
Иранските власти потврдија дека го извршиле нападот и изјавија дека станува збор за „самоодбрана“, насочена кон локации поврзани со американската војска. Нападите следуваат по претходна американска акција во регионот.
Ситуацијата во Заливот останува напната, со обвинувања и контранапади меѓу САД и Иран.
