Во вторник, 2 јуни, 38-годишната актерка објави фотографија од 49-годишниот Рејнолдс потпрен на кујнскиот пулт, облечен во тренерки и фармерки, додека преку рамо носи нешто што наликува на мини верзија на чантата „Hermès“ модел „Hermès Kelly bag“.

Вредноста на таква луксузна чанта може да се движи од 25.000 до над 50.000 долари.

„Мојот профил официјално се претвори во OnlyFans“, напиша Лајвли покрај фотографијата, додавајќи ја песната „Hold My Purse“ од изведувачот jly.

Често го објавува Рејнолдс

Ова не е првпат Лајвли на социјалните мрежи на заигран начин да го истакнува изгледот на својот сопруг.

Во мај објавила фотографија на која во прв план се мускулите на Рејнолдс. На Инстаграм стори споделила селфи снимено на отворено со сопругот, кој носел бела маица без ракави и држел чинија со домашни колачиња и малини.

„Прекрасен @vancityreynolds“, напишала актерката преку фотографијата на која парот седи на градински мебел, означувајќи го Рејнолдс.

Во следните објави прво ги приближила колачињата, а потоа и неговите голи раце. Селфито го придружувала песната „Yummy Yummy Yummy“ од групата „Ohio Express“ од 1968 година, додека при крупен кадар на неговите раце свирела песната „Yummy“ од Џастин Бибер.

Неодамна се појави на Мет Гала

Овие објави следат неколку недели откако Лајвли на 4 мај се појави на Мет Гала, чија овогодишна тема беше „Superfine: Tailoring Black Style“.

Актерката присуствувала на годишниот моден настан во „Costume Institute“ при њујоршкиот „Metropolitan Museum of Art“, а на култните скали се појавила во архивска тоалета од „Versace“ од пролетната колекција 2006 година.

Изгледот го надополнила со накит од Лорен Шварц изработен по нарачка.

Тогаш извор за „People3 изјавил дека Лајвли на црвениот тепих делувала „силно, самоуверено и неустрашиво“.

„Се насмевнуваше и изгледаше опуштено“, додал изворот.