[ФОТО/ВИДЕО] Излегоа пред камера и ја открија вистината: Џенифер Лопез ја реши дилемата дали е во врска со познатиот колега

Гласините за блиската врска на Џенифер Лопез со нејзиниот колега од „Office Romance“, Брет Голдштајн, продолжуваат да бидат главна тема на медиумите.

Двајцата се појавија во емисијата „Today“ во вторникот за да зборуваат за новиот филм на Нетфликс, во кој Џенифер игра моќна извршна директорка, а Брет адвокатк кој неочекувано се заљубува во неа.

Нивната хемија за време на промотивната турнеја предизвика гласини дека можеби се повеќе од пријатели, но пејачката брзо ги негираше тие приказни.

„Никогаш нема момент кога ќе ме видат со некого или ќе работам со некого, а да не се обидат да ме поврзат со таа личност“, се насмеала таа.

„Мислам дека тоа се случува во моментот кога стоиш до неа“, се вмешал Брет. „Затоа стоев толку блиску цело време.“

„Добро, но ќе го кажам само затоа што тоа сум јас и ме познаваш. Тоа не беше одговор“, се пошегувала Савана.

„Тоа не беше одговорот? Имаше одговор!“, возвратила Џенифер. 

„Затоа што со сите тие луѓе со кои сум поврзана... мислам дека бев со Кевин Костнер оваа година. Бев со... имаше многу луѓе. Тоа се случува постојано. Тоа не значи дека е вистина“.

Потоа таа појаснила дека тие „не биле во врска“, а Брет додал:

„Точно“.

Џенифер потоа се пошегувала дека ја збунила Савана со својот одговор.

„Ти се обиде да нè збуниш, а ние тебе те збунивме!“, се насмевнала таа.

Џенифер неодамна откри дека ужива во самечкиот живот и дека требало да го направи тоа порано. Мајката на две деца го финализираше разводот од Бен Афлек во јануари 2025 година, по две години брак со актерот.

Гласините за врската на Џенифер и Брет беа дополнително разгорени кога повторно се појавила снимка од ѕвездата на серијата Тед Ласо од 2022 година, во која тој открива дека пејачката е негова позната симпатија.

„Верував дека еден ден ќе се оженам со Џеј Ло, а по синоќа си помислив: „Можеби сета надеж умре“, се пошегувал тој за „Access Hollywood“, осврнувајќи се на нејзиниот брак со Бен.

„Значи, повеќе не знам. Љубовта е љубов, но понекогаш луѓето се мажат за Бен Афлек“.