На дното на океанот е пронајден прототип на претстојниот „Pixel Watch 5“ на „GOOGLE“, а според објавените фотографии, се чини дека новиот модел нема да донесе поголеми дизајнерски промени.
Протекувањето информации за претстојните уреди на „GOOGLE“ не е невообичаена појава, но овој најнов случај е навистина необичен. Имено, прототипот на претстојниот „Pixel Watch 5“ наводно бил пронајден ни помалку ни повеќе туку на дното на Атлантскиот Океан.
„Мој пријател го пронајде овој часовник пред неколку дена под вода, додека нуркаше во близина на островот Сент Мартин. Забележа дека задната страна на часовникот укажува дека станува збор за „GOOGLE Pixel Watch 5“, кој сè уште не е ниту претставен, а камоли пуштен во продажба“, објави на „X“ Ренди Пичфорд, коосновач на „Gearbox Software“, студио познато по серијалот „Borderlands“.
Пичфорд наведува дека часовникот имал доволно енергија за да го прикажува времето, но главната батерија била испразнета и не можела да го вклучи уредот.
A friend of mine found this watch a few days ago ~underwater~ when he was scuba diving near the island of St. Martin. He noted that the reverse of the watch indicates that it is a Google Pixel 5, which has not yet been announced, let alone released. It seems to be fine. The face… pic.twitter.com/Mnenov1sFE
— Randy Pitchford (@DuvalMagic) May 31, 2026
Според објавените фотографии, може да се забележи дека „Pixel Watch 5“ изгледа речиси идентично со своите претходници. На задната страна од уредот се наоѓаат ознаки кои упатуваат на „IP68“ заштита од навлегување вода и прашина, што би можело да објасни како часовникот успеал да преживее на дното на океанот.
Пичфорд повторно истакна дека часовникот имал доволно енергија за да го прикажува времето, но дека главната батерија била целосно испразнета, поради што уредот не можел да се вклучи.
„GOOGLE“ засега не се огласи за ова необично откритие, а ако може да се претпостави, веројатно нема ниту да даде официјален коментар.
