[ФОТО] Хрватска доби нова Мис Универзум: Има 24 години и за неа зборува целиот регион

Освен што ќе ја претставува Хрватска на светскиот избор во Порторико, новата мисица веќе привлекува внимание и на социјалните мрежи, каде открива многу повеќе од гламурозните изданија од сцената.

Антеа завршила студии по менаџмент во спортот и спортските дејности и работи за еден кошаркарски клуб. Спортот е важен дел од нејзиниот живот, а тоа јасно се гледа и на нејзиниот Инстаграм профил.

Новата Мис Универзум на Хрватска е активна и на ТикТок, каде што ја следат околу 15 илјади луѓе. Токму таму, во едно видео, открила и интересни детали од приватниот живот. Родена е на 25 септември 2001 година во Торонто, Канада, каде што пораснала нејзината мајка Велинда Љубичиќ. Во тоа време, нејзиниот татко, поранешниот кошаркар и тренер Вељко Мршиќ, играл кошарка во шпанска Малага.

Поради кариерата на нејзиниот татко, семејството често се селело, па Антеа дел од детството го поминала во Грција и Италија. Во градинка одела во Шпанија, а основното училиште го започнала во Италија, иако тогаш не знаела ниту еден збор италијански јазик. Потоа со родителите се преселила во Хрватска.

Открила и дека дома растела со два јазика. Мајка ѝ со неа зборувала на англиски, а татко ѝ на хрватски, поради што денес има специфичен акцент што следбениците веќе го забележале на нејзините снимки.

Покрај фотографиите од патувања и секојдневни моменти, таа често објавува содржини поврзани со тренинг, здрав начин на живот и активности како фитнес, трчање и пилатес. На една од фотографиите позира на пилатес-справа, што дополнително потврдува колку ѝ е важен активниот начин на живот.

Нејзиниот профил зрачи со естетика која во последните години е особено популарна меѓу помладата генерација: преовладуваат неутрални тонови, едноставни модни комбинации и ненаметлив гламур. Во нејзините објави може да се видат елегантни вечерни изданија, оверсајз сакоа, кожени јакни, лежерни комбинации со фармерки и минималистички бјути изгледи.

Посебно се издвојуваат фотографиите од патувања, меѓу кои има сцени од Грција, Шпанија и Италија, но и од дестинации како Корчула, Сплит и Опатија. Освен патувањата, се чини дека Антеа сака и добра храна, ресторани, кафулиња и опуштени летни моменти покрај море.

Голем дел од нејзиниот живот е поврзан со кошарката. Нејзиниот татко е поранешниот хрватски кошаркар и тренер Вељко Мршиќ, некогашен селектор на хрватската репрезентација и легенда на сплитската кошарка. Токму затоа не изненадува што Антеа често објавува фотографии од натпревари и спортски настани, вклучувајќи ги и оние од Торонто.

Интересно е и тоа што се појавила во еден домашен спот.

Иако штотуку ја освоила лентата, Антеа веќе остава впечаток на личност која многу добро знае каков имиџ сака да гради.

Наместо претерано дотерана содржина, нејзиниот Инстаграм засега повеќе наликува на профил на девојка која сака мода, спорт, патувања и спонтани моменти со пријателите.