На магистралниот пат Штип-Делчево, во близина на Компосара, синоќа се случи сообраќајна несреќа во која загина 42-годишен маж од Кочани откако мопед се судри со товарно возило. Увид извршија јавен обвинител и полицијата од Кочани.
Синоќа во 21:23 часот во ОВР Кочани е пријавено дека на магистралниот пат Штип-Делчево, во близина на место викано „Компосара“ се случила сообраќајна несреќа помеѓу товарно возило „пежо“ со винички регистарски ознаки, управувано од А.С.(48) од Виница и мопед без регистарски ознаки, управуван од А.Ѓ.(42) од Кочани.
Од здобиените повреди во несреќата, А.Ѓ. починал додека бил пренесуван кон болницата во Кочани, а лекар констатирал смрт.
Извршен е увид од јавен обвинител и увидна екипа од ОВР Кочани.
