Лансирањето беше извршено во петокот од Тексас, со еднодневно доцнење поради дефект на хидрауличен клин на лансирната кула.

Еден час во воздух

Беспилотното летало поминало околу еден час во воздух, по што, според однапред утврдениот план на мисијата, слетало во Индискиот Океан и експлодирало.

Иако мисијата беше прогласена за успешна и ги исполни поголемиот дел од целите, тимот сепак се соочил со неколку технички предизвици.

Вложени милијарди долари

Компанијата досега инвестирала повеќе од 15 милијарди долари во развојот на ова целосно повеќекратно вселенско летало.

Ракетниот потисник не успеал да го изврши повратното палење.

Дополнително, еден од моторите на „Starship“ откажал за време на летот, па преостанатите пет мотори работеле подолго за да ја надоместат изгубената сила.

Леталото не успеало да влезе во совршена орбита, но неговата траекторија останала во прифатливи граници.

Суборбитален лет

За време на суборбиталниот лет, „Starship“ успешно исфрлил товар кој вклучувал 20 лажни „Starlink“ сателити, како и два специјални сателити за анализа на топлинскиот штит при враќањето кон Земјата.

Ова беше вкупно 12. тест-лет за „SpaceX“, а честитки до тимот упатија Илон Маск и администраторот на „NASA“, Џеред Ајзакмен.

Тие истакнаа дека овој успех претставува огромен чекор кон идните мисии на Месечината и Марс, пренесува „Avaz“.