[ФОТО] Убавицата што ја поврзуваат со Килијан Мбапе привлече внимание во Кан: Прошета во златен сирена-фустан

Актерката присуствуваше на премиерата на филмот „La Bataille de Gaulle: L'Âge de Fer“ во спектакуларен златен фустан од „Giorgio Armani“, оставајќи впечаток на модерна сирена.

За оваа посебна пригода, Експозито избра тесен бисерен фустан украсен со циркони. Елегантниот дизајн без прерамки, со дискретен отвор на горниот дел од стомакот, дополнително ја истакна нејзината фигура.

Стајлингот го надополни со златен ѓердан со нежни детали од циркони, додека истата естетика ја следеше и кај накитот за уши. Овојпат се одлучи за кружни обетки, и тоа моделот „White Midnight Sun“ од колекцијата „High Jewelry“.

Минатиот вторник Експозито пристигна во Кан по повод престижниот филмски фестивал на кој редовно присуствува уште од 2021 година.

Актерката позната по улогата во серијата „Elite“ неодамна е во фокусот на светските медиуми поради гласините за врска со славниот француски фудбалер Килијан Мбапе.

Ниту актерката ниту фудбалерот досега официјално не потврдија дека се во врска, но бројните медиумски извештаи и фотографии што кружат на социјалните мрежи дополнително го разгореа интересот на јавноста.