Грција за многу Македонци повеќе не е само дестинација за море и викенд одмор. Сè почесто, патот кон соседството завршува не на плажа, туку пред маркет. Полни колички, преполни багажници и сметки со десетици производи станаа редовна глетка, особено за време на викендите.
Од кафе, маслиново масло, сирење и сувомеснати производи, па сè до детергенти, козметика и средства за домаќинство – дел од граѓаните велат дека одредени производи во Грција и понатаму се поевтини или поквалитетни од тие што ги купуваат дома. Некои одат еднаш месечно, други комбинираат шопинг со прошетка, а има и такви што однапред прават список што точно ќе купуваат.
„Порано одевме за плажа, сега прво одиме во маркет“, коментираат граѓани на социјалните мрежи, каде видеа со полни колички и споредби на цени стануваат сè почести.
Економистите велат дека ваквото однесување не е случајно. Инфлацијата, растот на цените и чувството дека секој денар мора подобро да се испланира ги менуваат навиките на потрошувачите. Луѓето сè повеќе споредуваат, бараат промотивни акции и се подготвени и да патуваат ако сметаат дека ќе заштедат.
Дополнително, дел од граѓаните сметаат дека во странските маркети добиваат подобар квалитет за истите пари. Особено кај производите за домаќинство и храната. Тоа создава впечаток дека шопингот во соседството повеќе не е луксуз, туку „економска логика“.
Остатокот од текстот можете да го прочитате ТУКА.
