Јапонскиот селектор Хајиме Моријасу го објави конечниот список од 26 фудбалери за Светското првенство, а на него ги нема двајцата од најдобрите играчи – Каору Митома и Такуми Минамино, кои отпаднаа поради повреди.
Сепак, најголемо внимание привлече повикот за 39-годишниот ветеран Јуто Нагатомо, кому ова ќе му биде петти настап на Мундијал.
Нагатомо не очекувал повик, бидејќи се наоѓа во завршницата на кариерата како играч на Токио. Селекторот Моријасу сепак одлучил дека искуството на ветеранот му е потребно на тимот, не само на теренот, туку и надвор од него.
Искусниот дефанзивец во живо ја следел прес-конференцијата, а кога селекторот го прочитал неговото име, не можел да ги сопре солзите, што најдобро покажува колку му значи настапот за репрезентацијата.
Emotions everywhere as Yuto Nagatomo burst into tears after hearing his name included in Japan’s FIFA World Cup squad at 39 YEARS OLD 😭🥹🇯🇵
— Kara (@UTDKara) May 15, 2026
Yes… he will be playing in his FIFTH World Cup. We are going so hard for Japan this tournament pic.twitter.com/ngLFugpbLJ https://t.co/C6o70mvx6D
Јуто Нагатомо досега има 144 настапи и четири гола за Јапонија, а дебитираше во 2008 година.
На европската јавност најпознат ѝ е по периодот во Интер, за кој од 2011 до 2018 година одигра 210 натпревари, постигна 11 голови и забележа 18 асистенции.
Настапуваше уште и за Галатасарај, Чезена и Марсеј.
Ова ќе биде негов петти настап на Светско првенство.
