Лука Дончиќ поради повреда не можеше да му помогне на Лос Анџелес Лејкерс во плејофот, тим кој и без него направи изненадување во првата рунда и го елиминираше Хјустон Рокетс, меѓутоа во полуфиналето на Западот немаше сили против актуелниот шампион Оклахома Сити Тандер.
Дончиќ се уште закрепкува и така ќе биде и во наредниов период, па и летово во кое нема да го видиме во акција затоа што одлучи да не настапува за Словенија во квалификациите за Светското првенство.
Приоритет му дава на семејството, неговите две ќерки и борбата за старателството за нив.
- Ги сакам моите ќерки повеќе од сè и тие секогаш ќе ми бидат на прво место во животот. Додека продолжувам да работам на заедничко старателство над моите ќерки, бев принудена да донесам тешка одлука помеѓу патување и играње за словенечката репрезентација и да бидам со моите ќерки ова лето. За жал, ми беше исклучително тешко да ги гледам во текот на изминатите осум месеци
- Дадов сè за да ја претставувам Словенија и сум разочаран што нема да можам да играм за мојата земја ова лето. Но, во моментов, моите ќерки и моите одговорности како татко се мој приоритет, - порача Лука.
Плејмејкерот последен пат не играше за Словенија во 2018 година кога неговиот тогашен тим Далас Маверикс му сугерираше да одмора, па не настапи против Шпанија и Црна Гора.
Инаку Словенија е прва во групата со учинок 3-1, па е во добра позиција да обезбеди билет за СП.
