Во време на изострени односи меѓу Европа и Русија, словачкиот премиер Роберт Фицо повика на обнова на соработката и враќање на добрите билатерални врски. Тој ја критикуваше политиката на ЕУ за ограничување на руската енергија и потенцираше дека тоа може да ѝ наштети на европската економија и конкурентност. Фицо исто така ја нагласи потребата од конструктивен дијалог и посочи дека Словачка останува зависна од руските енергетски ресурси, додека Москва ветува поддршка во задоволувањето на енергетските барања на Братислава.
Словачкиот премиер Роберт Фицо, единствениот европски лидер што присуствуваше на парадата по повод Денот на победата во Москва, упати апел за обновување на соработката помеѓу Европа и Русија.
„Не прифаќам создавање на нова железна завеса меѓу Европската унија и Русија“, истакна Фицо во видео-пораката објавена на социјалните мрежи за време на својот лет од Москва кон Братислава.
Премиерот нагласи дека Словачка има интерес од одржување на позитивни, пријателски и взаемно корисни односи со Русија, како и со сите други земји отворени за таква соработка. Тој ја критикуваше одлуката на Европската унија да ја отфрли руската енергија, оценувајќи ја како „идеолошка“ и штетна за конкурентност на Европа.
Фицо посочи дека е грешка од негативни чувства кон Русија да се заменува една зависност од енергенси со друга „американска“, која, според него, е под значително поскап режим.
WHAT DIDN’T FIT INTO THE PRESS CONFERENCE LIVESTREAM.
Just a few hours ago, I concluded my visit to Moscow. This week, I also managed to attend the summit in Armenia, visit Bavaria, and I am pleased with the good news for Slovakia. pic.twitter.com/FM6yJ0o33f
— Robert Fico
(@RobertFicoSVK) May 9, 2026
Словачка и понатаму во голема мерка зависи од руските снабдувања со нафта. Владата предводена од Фицо ги адресира дел од економските предизвици и врз Украина, бидејќи на почетокот од 2025 година беше прекинат транзитот на руски гас преку украинска територија.
Во овој контекст, на крајот од април Словачка објави дека повторно добива руска нафта, откако Киев го поправи нафтоводот „Дружба“ кој тече преку Украина и беше оштетен во воздушен напад во јануари.
Рускиот претседател Владимир Путин го прими Фицо во Москва и ја поздрави „суверената надворешна политика“ на словачката влада. Путин истакна дека Русија е подготвена да направи „сè што е во нејзина моќ“ за задоволување на енергетските потреби на Словачка.
Денес
