Американскиот претседател Доналд Трамп објави дека ќе ги укине царините за шкотското виски во чест на државната посета на кралот Чарлс и кралицата Камила на Соединетите Американски Држави.
„Во чест на кралот и кралицата на Обединетото Кралство, кои штотуку ја напуштија Белата куќа и наскоро ќе се вратат во својата прекрасна земја, ќе ги укинам царините и ограничувањата за шкотското виски што беа во сила за Шкотска да соработува со американската држава Кентаки во производството на виски и бурбон, две многу важни индустрии во Шкотска и Кентаки.
Луѓето го посакуваат ова долго време, бидејќи имаше голема меѓудржавна трговија, особено во дрвените буриња што се користат. Кралот и кралицата успеаја да ме натераат да направам нешто што никој друг не можеше да го направи, и речиси и не мораа да ме прашаат! Голема чест е што ги имаме во Соединетите Американски Држави“, напиша Трамп на Truth Social.
