Арсенал одговори на добар начин на дерби поразот од Манчестер Сити и се врати во посакуван ритам во битката за титулата, иако не блескаше на вчерашниот натпревар на домашен терен.
Избраниците на Микел Артета направија доволно за да слават со 1:0 против Њукасл, но во завршницата од мечот, навистина беше чудно како не го доиграа натпреварот со играч повеќе на теренот.
Голманот Поуп го фаулираше Ѓокереш далеку од голот и доби само жолт картон, а оваа чудна одлука на судијата го натера Микел Артета да нагласи дека слична неправда имало и на „Итихад“ на дербито против Сити.
I’m crying man he really should have been sent off. Missed the ball completely and purposely took him out pic.twitter.com/QcPN79Mcbh
— 🥤𝐁𝐚𝐧𝐤𝐬 (@_Afcbanks) April 25, 2026
– Ја гледав ситуацијата со Поуп десет пати, тоа е чист црвен картон. Ако некогаш сте играле фудбал, тоа е црвен картон. Вторпат во два натпревари ни го прават истото.
– Против Манчестер Сити Каи Хаверц излезе сам, а Хусанов го фаулираше. Тоа беше на резултат 1:1, се решава титулата во такви моменти. Тоа е црвен картон момци. Такви детали одлучуваат победници, се надевам дека тоа ќе се смени и во наша корист, – изјави Артета.
