ЈП Комунална хигиена-Скопје почна акција за наплата на долгови без пресметана камата за задоцнето плаќање.
„ЈП Комунална хигиена-Скопје им соопштува на своите корисници што имаат заостанат долг во евиденцијата на ЈП Водовод и канализација-Скопје, на заедничка сметка, по основ неплатени сметки за собирање и транспортирање на комунален отпад (тужен и редовен), дека започна акција за отплата без пресметана камата за задоцнето плаќање“, соопшти претпријатието.
Можноста да се плати долгот од страна на корисниците без пресметана камата е со определено времетраење, сметано од 20.04.2026 година заклучно со 05.06.2026 година.
