Пакистанскиот премиер Шехбаз Шариф му се заблагодари на американскиот претседател Доналд Трамп за неговата одлука за продолжување на прекинот на огнот, изразувајќи надеж дека преговорите ќе доведат до трајно решение на конфликтот.
„Во мое лично име и во име на фелдмаршалот Саид Асим Мунир, искрено му се заблагодарувам на претседателот Трамп што го прифати нашето барање за продолжување на прекинот на огнот за да се овозможи продолжување на дипломатските напори“, напиша Шариф на социјалните мрежи.
On my personal behalf and on behalf of Field Marshal Syed Asim Munir, I sincerely thank President Trump for graciously accepting our request to extend the ceasefire to allow ongoing diplomatic efforts to take their course.
— Shehbaz Sharif (@CMShehbaz) April 21, 2026
With the trust and confidence reposed in, Pakistan…
Тој додаде дека Пакистан ќе продолжи да работи кон постигнување договор и изрази надеж дека двете страни ќе го почитуваат прекинот на огнот и ќе успеат да склучат сеопфатен „мировен договор“ за време на втората рунда разговори планирани во Исламабад.
Американскиот претседател претходно потврди дека се согласил да го одложи нападот врз Иран на барање на Шариф и началникот на пакистанската армија Асим Мунир, со цел да му се даде време на Техеран да презентира унифициран предлог за прекин на конфликтот.
Трамп нагласи дека прекинот на огнот ќе остане на сила сè додека Иран не поднесе предлог и не се завршат преговорите, со порака дека американската војска останува подготвена и дека блокадата на иранските пристаништа продолжува.
