На 17 април околу 23:15 часот, во СВР Битола било пријавено дека на патот Прилеп–Ресен, кај крстосниците Ротино и Кукуречани, бил оштетен минибус.
Станува збор за минибус „мерцедес“ со охридски регистарски ознаки, сопственост на приватна фирма од селото Коњско, кој превезувал навивачка група од Охрид.
Според пријавата, додека се движел по патот, минибусот бил оштетен од група граѓани, при што настанале материјални штети.
Од полицијата информираат дека се преземаат мерки за расчистување на случајот, по што ќе следуваат соодветни пријави.
