Филмот во кината пристигнува кон крајот на ноември во дистрибуција на „Blitz“ филм.

Содржина на филмот

Во центарот на приказната повторно се Грег Фокер (Бен Стилер) и неговиот незаборавен свекор Џек Бирнс (двојниот оскаровец Роберт Де Ниро), чиј однос со децении балансира помеѓу апсолутн недоверба и неизбежна семејна поврзаност. Но овој пат — работите стануваат уште покомплицирани.

Во игра влегува нова генерација и нови односи, а со нив и целосно нови предизвици за веќе добро познатиот „круг на доверба“. Како шлаг на тортата, на франшизата ѝ се придружува глобалната поп-сензација и актерка Аријана Гранде.

Во „Во сродство со Фокер“, Гранде ја толкува Оливија Џонс – девојка на синот на Фокер, која веднаш остава силен впечаток врз семејството. Нејзиниот лик е амбициозен и успешен, а открива дека е обучена како преговарач во заложнички ситуации во ФБИ.

Сепак, токму нејзината блискост со ликот на Де Ниро создава напнатост со Фокер, кој не е сигурен дали може да ѝ верува, додека остатокот од семејството целосно ја прифаќа.

На промоцијата во Лас Вегас, Стилер на шега изјави дека „можеби тој е новиот де Ниро во франшизата“, по што легендарниот актер се појави на сцената и предизвика аплауз кај присутните. Де Ниро, пак, ја пофали Гранде, нарекувајќи ја „веројатно најсмешниот партнер со кој имал можност да глуми“.

Покрај нив, се враќа и омилената екипа: Овен Вилсон, Блајт Данер и Тери Поло — што гарантира препознатлива динамика која ја направи оваа франшиза глобален феномен.

Она што отсекогаш ги издвојува Фокери не е само хуморот, туку прецизното погодување на универзалната вистина: запознавањето на семејството никогаш не е едноставно — а кога мислиш дека не може полошо, секогаш може.

„Во сродство со Фокер“ оди чекор понатаму — истражува како изгледа кога генерациите се судираат, кога авторитетите се преиспитуваат и кога границите на приватноста се бришат во ерата на нови односи и општествени норми. Резултатот? Комбинација од интелигентна комедија, непријатни (но урнебесни) ситуации и емоционално препознатливи моменти што гарантираат широка публика — од фановите на оригиналот до новата генерација гледачи.

Филмот го потпишува Џон Хамбург, сценарист на сите претходни продолженија, кој овојпат ја презема и режисерската палка — што обезбедува континуитет на тонот и хуморот што публиката го очекува.

Филмот „Во сродство со Фокер“ треба да пристигне во кината за Денот на благодарноста, а според првите реакции, се очекува да донесе нова доза хумор во веќе добро познатата филмска приказна.