Витамини кои најчесто им недостигаат на лицата постари од 50 години

Најчесто се засегнати витаминот Д и витаминот Б12, кои се важни за метаболизмот и нивото на енергија, според податоците на американскиот Национален институт за здравје (NIH). Нутриционистката Ерин Палински-Вејд објаснува дека постарите лица често произведуваат помалку желудочна киселина, што ја отежнува апсорпцијата на витамин Б12. Резултатот од недостаток на овие хранливи материи може да биде замор, слабост, па дури и когнитивен пад, според податоците на NIH, пишува „Miss7“.

Телото станува помалку ефикасно во претворањето на сончевата светлина во витамин Д како што старееме, вели Палински-Вејд. Недостатокот на овие хранливи материи може да ги ослаби коските и да ги направи попорозни, а ризикот се зголемува со возраста. „По менопаузата, жените доживуваат намалување на лачењето на одредени хормони, што го забрзува губењето на коскената маса“, додава Палински-Вејд. Најдобриот начин да се спречат нутритивни недостатоци – и потенцијалните здравствени последици е да се зголеми внесот на храна богата со витамини Д и Б12. Бо продолжение неколку предлози за оброци кои можат да ви помогнат да ги задоволите дневните потреби за овие важни витамини.

Јајца за појадок

Белките се нискокалорична и нискомасна храна, но ако ја отстраните жолчката, ја отстранувате и здравата доза на витамин Д и Б12. Затоа препорачуваме да јадете цели јајца.

Пробајте го ова: Направете омлет со сирење, зеленчук или послужете јајце на око врз леб или авокадо. Не заборавајте дека и варените јајца се вкусни.

Конзервирана туна за ручек

Оваа масна риба е добар извор на витамин Д и Б12, вели Палински-Вејд. Исто така содржи здрави масти, калиум и железо, хранливи материи кои им помагаат на различни протеини да испорачуваат кислород до телото.

Пробајте го ова: За дополнителен внес на витамини, направете салата од туна со грчки јогурт. Млечните производи како јогуртот често се збогатени со витамин Д, а бидејќи потекнуваат од животни, веќе се добар извор на Б12, вели Палински-Вејд. Туната можете да ја ставите на парче леб или да направите салата со марула, домат, кромид, пченка, прелиена со лимон и маслиново масло и можеби посипана со потпечен сусам. Или можете да направите верзија со туна и бел грав.

Стек од лосос за вечера

Витаминот Д е тешко да се најде во природните намирници (освен ако не е посебно додаден), но лососот е исклучок од правилото. Исто така е одличен извор на протеини и витамин Б6, кој помага во одржување на здрав нервен и имунолошки систем.

Пробајте го ова: Пржете или печете стек во тава и комбинирајте го со зеленчук или салата.