[ВИДЕО] Од „минус 17“ до победа: Неверојатниот Јокиќ се погрижи за луд пресврт во Колорадо

Денвер рано утрово врза деветта победа во низа и потврди дека ја подигна формата во клучен дел од сезоната, а овојпат стигна до триумф иако изгледаше како тим кој е на работ од бездната.

Портланд играше изненадувачки добро во „Бол арената“ и имаше предност од 17 поени на стартот на последната четвртина, но на крајот успеа се еда упрска во завршните неколку минути.

Денвер се врати на крилата на неверојатниот Никола Јокиќ и дури дојде до пресврт во последната минута по тројката на Гордо, но во завршните напади Јокиќ не погоди двапати и мечот отиде во продолжение.

Во дополнителните минути, Денвер ја доврши работата која ја почна и го комплетираше пресвртот (137:132), а со деветтата победа во низа е се поблиску до осигурување на третото место на Западот.

Јокиќ имаше ново неверојатно издание и го заврши мечот со 35 поени, 14 скокови и 13 асистенции, а ова за него беше 197-ми трипл-дабл во НБА кариерата.