Доцна вечерва во Багдад, главниот град на Ирак, се слушнаа неколку силни експлозии, а безбедносен службеник пријави напад со дрон и ракети врз амбасадата на САД, објави АФП.
Комплексoт на амбасадата беше цел на три дрона опремени со експлозиви, изјави новинар. Противвоздушните системи во комплексот пресретнаа два од дроновите во воздух, додека третиот го погоди надворешниот ѕид на амбасадата, додаде тој. Ударот предизвика пожар во близина на комплексот, објави новинар на „Анадолу“.
Smoke rises from the U.S. Embassy in Baghdad as fires can also be seen burning in the Central Bank of Iraq Tower, reportedly after it was struck by a Counter-Rocket, Artillery, and Mortar System (C-RAM) attempting to shoot down Iranian one-way attack drones over Baghdad. pic.twitter.com/6wpJr37KCi
— OSINTdefender (@sentdefender) March 17, 2026
Сведок за АФП изјави дека видел експлозии на небото предизвикани од воздушната одбрана на амбасадата што ги пресретнала ракетите. Според него, гостите во ресторанот каде што бил тој прво не реагирале на звуците од експлозиите, објавува „Гардијан“.
Друг сведок го видел пожарот на територијата на амбасадата од својот балкон. Пожарот го потврди и безбедносен службеник, кој додаде дека бил предизвикан од беспилотно летало. Претходно денес, групата наречена Исламски отпор во Ирак објави дека извршила 21 ракетен и беспилотен напад врз американските бази во Ирак и регионот за еден ден.
A Counter-Rocket, Artillery, and Mortar System (C-RAM) seen firing into the sky over Baghdad during tonight’s drone attack against the U.S. Embassy and Baghdad International Airport by Iran. pic.twitter.com/Sv8ceqAicY
— OSINTdefender (@sentdefender) March 17, 2026
Ова доаѓа во време кога САД и Израел продолжуваат со заедничката офанзива против Иран од 28 февруари, во која досега загинаа околу 1.300 луѓе, вклучувајќи го и врховниот лидер Али Хамнеи.
Техеран возврати со напади со беспилотни летала и ракети насочени кон Израел, како и кон Јордан, Ирак и земјите од Персискиот Залив, за кои тврди дека ги таргетираат американските воени објекти, предизвикувајќи жртви и штети на инфраструктурата.
