[ФОТО] Таа е толку убава што сè ѝ стои: Познатата актерка направи драстична трансформација на фризурата!
Марго Роби има нов имиџ и го претстави на ревијата на „Шанел“ на Модната недела во Париз, каде што блесна во сосема лежерно издание.
Една од најубавите холивудски актерки, Марго Роби, се одлучи за радикален потег кога станува збор за нејзиниот имиџ. Долгата руса коса на која сме навикнати ја замени со кратка, трендовска фризура, а тоа е популарната боб со шишки.
Изгледа дека дефинитивно се збогувала со долгата коса, барем засега, и дека сега ќе ја гледаме со права коса со должина до рамената. Марго ја задржала својата препознатлива руса боја со златни прамени, а ретките шишки лежерно паѓале врз нејзиното чело.
Убавата актерка носелае едноставна комбинација – бела проѕирна маица со прерамки под кој се гледал градникот, а ја комбинирала со широки посветли, проѕирни фармерки, чии ногавици паѓаат преку чевлите и кои и во наредните месеци ќе владеат на модната сцена.
Во раката носела мала чанта и шал како модни додатоци, а дошла речиси без накит – само мали обетки кои биле видливи поради нејзината нова фризура. Интересно е што ноктите ѝ биле сосема природни, кратки и неналакирани.
Шминката го надополнила целото лежерно издание во кое Марго Роби повторно блеснала, а со оглед на нејзината фигура и природна убавина, ќе се согласите дека оваа фризура, како и сите претходни, совршено ѝ стои.
