Приказната на прославената параолимпијка Карина Едлингер ја заледува крвта во вените.
Австриската скијачка Карина Едлингер откри ужасна тајна што со години ја чувала.
Параолимпијката, која од оваа сезона настапува под знамето на Чешка, проговори за хоророт што го преживеала непосредно пред најголемиот успех во својата кариера.
Само две недели пред на Параолимписките игри во Пекинг да го освои златниот медал, Карина била жртва на силување.
Во потресната исповед што ја дала за порталот „Laola1“, признава дека поради тоа повеќе никогаш не го погледнала медалот од Пекинг.
„Преживеав многу мрачни времиња. Многу страдав поради тоа. Однадвор бев успешна млада жена која освојуваше сè што може да се замисли, но она што се случува внатре во човекот, зад таа фасада, е нешто сосема друго“, започна Едлингер.
„Многу работев со психолози дури и на самиот збор ’Кина’ … Златниот медал од Пекинг повеќе никогаш не сум го погледнала“, додаде Карина.
Таа откри дека по Параолимписките игри во Пекинг поминала 14 недели на интензивна терапија.
„Од Пекинг заминав директно на терапија. Никој не сака да зборува за менталното здравје, бидејќи сите веднаш велат: ’Ти си психички болна‘. Луѓето не разбираат дека зад спортистот стои човечко суштество.“
Во најтешкиот период од својот живот најголема поддршка ѝ бил нејзиниот куче-водич.
„Сè тоа го преживеав најмногу благодарение на моето куче-водич, кое повторно ја врати светлината во мојот живот.“
Карина неодамна донела одлука повеќе да не настапува за својата родна Австрија, а се шпекулира дека причината за тоа е лошиот третман што го имала по страшната траума што ја доживеала.
