Оклахома Сити успеа да го победи Њујорк на гостински терен, но овој натпревар донесе и проблем со дури двајца повредени играчи, кои порано завршија во соблекувалната.
Шеј Гилџис-Александер и неговите колеги славеа со 100:103, Њујорк на крајот не реализираше два обида за три поени за продолжение, а за актуелниот шампион тоа значи зацврстување на првата позиција во западната конференција.
Ајзеа Хартенштајн и Алекс Карузо се играчите кои се пожалија на повреди и со кои гостинскиот тренер не сакаше да ризикува, а дополнителните прегледи ќе утврдат колку долго ќе паузираат.
Најрасположен во победничкиот тим беше Холмгрен кој уфрли шест тројки и заврши со 28 поени, додека Шеј реализираше два помалку. Во редовите на Њујорк, Таунс ги предводеше реализаторите со 17 поени.
Њујорк – Оклахома 100:103
Бостон – Шарлот 89:118
Филаделфија – Јута 106:102
Мемфис – Портланд 114:122
Милвоки – Атланта 113:131
Л.А Клиперс – Индијана 130:107
