Американскиот претседател Доналд Трамп во вторникот ги пофали своите економски достигнувања што им ја донесоа на Соединетите Американски Држави нивната „златна ера“ во неговото обраќање за состојбата на нацијата, најдолго во американската историја.
Трамп зборуваше пред Конгресот рекорден час и 47 минути, надминувајќи го времето на демократот Бил Клинтон, во 2000 година, за 20 минути, според агенцијата Франс Прес.
„Нашата нација се врати – поголема, подобра, побогата и посилна од кога било досега“, го започна своето обраќање американскиот претседател.
„Ова е златна ера за Америка“, продолжи републиканецот, пофалувајќи ги она што го смета за достигнувања на неговата администрација, од рекордни индекси на берзата до ниски цени на бензинот до спречување на влегување на фентанил на територијата на САД.
“When the world needs courage, daring vision and inspiration, it still turns to America,” President Trump said in closing remarks at his State of the Union address. “When God needs a nation to work His miracles, He knows exactly who to ask.”
— CBS News (@CBSNews) February 25, 2026
Trump declared that “the Golden Age… pic.twitter.com/B1QpipSaZN
Тој тврдеше дека од претходниот претседател, Џо Бајден, наследил „нација во криза“, стагнирана економија со „висока инфлација“, земја со отворени граници и војни и хаос низ целиот свет.
Трамп нагласи дека ја намалил инфлацијата, ја довел берзата на рекордни нивоа, вовел големи намалувања на даноците и ги намалил цените на лековите. Републиканецот верува дека ова е „трансформација каква што никој досега не видел“ и дека Соединетите Американски Држави сега се „почитувани во светот како никогаш досега“.
Републиканците во Конгресот ги следеа изјавите на Трамп со станување од своите места и аплаудирање, а за време на долгиот говор мораа да го сторат тоа повеќе од сто пати. Трамп коментираше дека ниту демократите не станале.
